SPIDERO WordPress How to Install WordPress and local host Free in PC/Laptop

SPIDERO WordPress How to Install WordPress and local host Free in PC/Laptop

Spidero WordPress Course ki aj ki class pure practically class hogi, kyun k aj k lecture 05 mein hum seekhnay ja rahey hein How to Install WordPress and Local Host in PC/Laptop. Es skill ko hasil karney k lye hamyn sath sath practice b kerna hoga or practice k lye hum local host and WordPress ko apny computer ya laptop mein install Karen gy.

Agar ap 1^st time Spidero WordPress Course related yeh article parrh rahey hein tou pehaly ap pichley lectures ko lazmi parrhen taa k ap ko pata chal sakey k Spidero WordPress Course kaya hai or es se pehlay hum kya kuch seekhtay aye hein.

• Want to Know about Spidero WordPress Course ?
• Let's Open Task Box and know about it

About WordPress Online Installation:

WordPress online install b kia ja sakta hai and offline install b kia ja sakta hai. Online Install means like ap ne web hosting buy ki hui hai and web hosting mein wordpress install kertay hein then ap live hein, pori dunia mein se kisi b jaga se ap ki WordPress Website dekhi ja sakti hai visit ki ja sakti hai. Online WordPress install kerna, kya kya buy kerna ye sb alag se aik lecture mein dekhen gy.

About WordPress Offline Installation:

Offline Server means ap apney computer ya laptop mein local server mein wordpress install kertay hein or usi per practice kertay hein tou ap live nahi hein. Ap ki WordPress Website dunia mein kisi b jaga se visit nahi ki ja sakti.

Spidero WordPress Course men hum ny training kerni hai or practice k lye humy offline server ki he zaroorat hogi. Local Server kahan se or kaisey install kerna yeh hum esi tutorial class mein dekhen gy, seekhen gy or step by step practically ap ko sara prossiger samjhaun ga.

Ab WordPress training k lye hameyn aik server ki zarorat hai jis se hum Spidero WordPress Course ko aagey ki taraf ly ja saken. Server PHP and Mysqli languages ko access kerta hai.

WP Training free mein kernay k lye humarey pas local server computer ya laptop mein run kernay k 2 tareeqay hein.

Pehla treeqa tou yeh hai k pehlay hum server software like Xampp, WampServer, MYSQL mein se koi aik install Karen phir database create Karen phir server active Karen phir wordpress install Karen phir WordPress database k sath connect Karen phir b koi galti ho jaye tou phir uss galti ko sudharney mein phir se mehnat kertay jayen. Ab ap dekhen es process mein hum ne kitni dfa PHIR,PHIR ki hai. Means a long process.

Mein nahi chahta k meray Spidero’s 1^st practice mein hard work Karen, itni mushkil se cover karen. Hum 2^nd option ko use karengy. Jiss k sath na sirf ap k computer mein server install ho jaye ga bal k WordPress b automatically install ho jaye ga. Es mein koi b manually installation ya database create kernay ki zarorat nahi parrey gi.

Hum jis server ko install kernay ja rahey hein us ka name hai Bitnami WordPress. Neechay Download Bitnami WordPress button ko open kernay k baad ap apney computer ya laptop mein download kar lyn gy.

Download Bitnami Wordpress

Kuch he seconds mein yeh download ho jaye ga . Afte download, jis jaga ap ney Bitnami WordPress download kia hoga wahan issay open karen, open kernay k baad  ap ko language set ker k ok kerna hoga by default language k sath he ok kar dyn. Then next kertay jana hai.

• Must know about what is the difference between blog and website
• Difference between website.com and wordpress.org full explained

Next option mein ap se pocha jaye ga k ap server kis jaga install kerna chah rahey hein, yahan ap ko aik baat btata chalun k ap jb yeh server install ker lyn gy tou es k baa dap phir chahtey hein k aik or alag se New WordPress Website Create kerni hai tou uss k lye phir ap ko yeh software install kerna parrey ga or isi jaga aa ker ap ko yahan file name change kerna hoga taa k ap ki new WordPress Website installation ap ki pehli banai hui website mein merge na ho jaye. Ap yahan WordPress1, WordPress2 ya jiss name se b new website create kerna chahyen wo name dy saktey hein. Es ki koi pabndi nahi hai ap aik se zyada jitney chahen local server install ker saktey hein.

Next option mein ap ko name, email dena hoga, yahan ap ko aik baat achi trah samjni hogi.

Ab jo WordPress backend hoga jidher se hum apni WordPress Website handle karen gy, jissey WordPress dashboard b kehtay hein, uss mein janey k lye User Name and Password dena hota hai. Login option mein ap jo b name dyn us mein space nahi honi chahye and password option mein strong password hona chahye taa k ap ki website secure reh sakey. Jab hum WordPress Practice live hosting per karen gy tab ap ko es k baarey mein achi trah se guide karunga. Abhi hum sb offline work ker rahey hein tou filhal koi b password dy saktey hein. Password denay k baad phir next karen.

Phir ap ko apni website ka naam dena hota hai jissey website title b kehtay hein. Ap jis specific topic per WordPress Website create kerna chahtey hein like jaisey Movies websites, Fashion websites, cooking websites, sports websites hoti hein. Issay baad mein change b kia ja sakta hai. Mein yahan Spidero Zone likh ker next ker deta hun.

Next Gmail attach kernay ka option aye ga, e ski abi zarorat nahi so aisey he next ker dyn. Then next kernay k baad cloud option ko yaad se un-check ker k next ker dejye ga.

Es Sb k baad local server installation start ho jye gi, ap k internet speed per depend kerta hai k yeh kitni jldi install hoga.

During Bitnami WordPress installation ap k samney firewall link option aye ga, ap ne dono mein Tik laga rehnay dena hai and Allow Access ker dena hai.

Es process k doraan agar ap ne pehlay se Xampp, WampServer etc install kiye hungy tou yeh during installation kuch codes pochey ga wahan ap just next, next kejye ga or kuch b nahi.

After complete installation of bitnami wordpress launch option ko un-tik ker k finish per click ker dena hai kyun k hum dekhna chahtey hein k konsi file ko open kerna hoga us k lye ap ne jis drive mein install kia hoga Wahan Bitnami Folder nazar aye ga . Bitnami Folder k ander WordPress Folder and ussey open kernay k baad Manager Windows File he local server file hai.

The most important thing, ap ka server on hoga tabh he ap WordPress website open ker saken gy. Manager Windows open kernay k baad GO TO APPLICATION per click kerna hoga, afterthat ap k default browser mein Bitnami first page open ho jaye ga then ACCESS WORDPRESS per click kernay k baa dap WordPress Website mein chly jyen gy.

WordPress Website auto installed wordpress theme k sath open hogi jis k top mein cover photo nechay bodey area , sidebar and footer show ho raha hoga. Spidero WordPress Course mein hum saari practice esi mein karen gy or esi se aik strong skill k sath In Sha Allah aagy ko move keryn gy.

Address bar mein “ localhost/wordpress/” ap ki website ka link means url hai. Ap ki WordPress website esi link ki through he open hogi.

Ab koi b Wordpress website hai beshak online ho ya offline Wordpress website ho uss k backend yani Wordpress dashboard mein janey k lye url k aagey “localhost/wordpress/wp-admin” likheny k baad enter karen gy tou login panel open hoga es mein wohi password dena hoga jo installation k doraan set kia tha, username and password add kernay k baad ap WordPress dashboard mein ajayen gy. Yahi se hum her cheez ko customize karen gy, Spidero WordPress course seekhen gy or learn karen gy wo sb jo hamari professional field mein kaam aye ga freelancing mein ya kisi or platform pr.

Next lecture mein hum In Sha Allah WordPress Dashboard Overview ko samjhen or seekhen gy then WordPress theme install karen gy.
Aj k Spidero WordPress Course ky lecture ko yahi khatam kartey hein. Hope so, ap ne WP Trainging class mein  aj b kuch naya learn kia hoga. 
Agar Ap YoTube Channel TuTorial Markaz se video ko dekh rahey hein tou like comment and share kejye ga and agar ap TuTorial Markaz website se es article ko parrh rahey hein tou social sites like Facebook, Twitter, WhatsApp, Linkedin wagera mein Spidero WordPress k articles ko lazmi share kia jaye ga. Ho skta hai ap k share kernay se kisi ko kuch learn kernay ka source mill jaye.
Apna Bohat Sara Khayal rkhiye ga.
Shaad Rahen :)

• Learn Professional WordPress Theme Development for Beginners from Scratch

• How to Create a professional website and Make Money Online
• HTML5 & CSS3 Complete Tutorial Videos and articles step by step for you.